Doktor Akram Umarov

Direktor


Doktor Akram Umarov IXTI direktori va Jahon iqtisodiyoti va diplomatiya universitetining oʻquv ishlari boʻyicha birinchi prorektori lavozimlarida faoliyatini olib boradi. Doktor Umarov xavfsizlik masalalari, mojarolarni boshqarish, xalq diplomatiyasi, Afgʻoniston, Markaziy Osiyo, MDH davlatlari va taraqqiyot masalalariga katta qiziqish bildiradi. IXTIga qoʻshilishdan oldin doktor Umarov AQShning Pitsburg universiteti boshqaruv va bozorlar markazida Fulbrayt dasturi boʻyicha tashrif buyurgan olimi, Oʻzbekiston Prezidenti huzuridagi Strategik va mintaqaviy tadqiqotlar instituti hamda Davlat boshqaruvi akademiyasining katta ilmiy xodimi boʻlgan. Doktor Akram Umarov Jahon Iqtisodiyoti va Diplomatiya Universitetida Xalqaro munosabatlar boʻyicha magistr va PhD darajasini olgan. Shuningdek, u Buyuk Britaniyaning Sasseks universiteti Rivojlanishni o‘rganish institutida boshqaruv, taraqqiyot va davlat siyosati bo‘yicha magistr darajasini olgan.